الى الصديق انطوان الدريبي بمناسبة عيد ميلاده السبعين 2015
طوني الدّرَيْبي صار بالسَّبْعين
وْحَدّ منّو تجمّعوا مْحبّين
مَرْتو.. وْلادو.. وْكل أحْبابو
متل أرزه مْسيّجتها سْنين
شِفْت الكَرَم واقِفْ عَلى بْوابو
يْوَزّع مَحَبه.. وْيِنْشُر تْلاحين
بْسَمّيه خَيّي.. وعزّ أصْحابو
وْبِهْديه باقةْ شعر وِرْياحين
شَعْرات راسُو انْ شِفِتْهُن شابوا
رَحْ قُول: هَيْدا التَّلج عَ صنّين
وْحَدْشيت غامِرْها زَهر ياسْمين
**
