أهديتها للمذيع طوني سعد إثر تخلّيه عن عمله الإذاعي عام 1992.
ـ1ـ
يا أَكْبَرْ مِنْ أَكْبَرْ كِلْمِه
يَا "سَعْد" الْـ هَمَّكْ تِسْعِدْنَا
صِرْت الْغِنِّيِّه عَ تِمِّي
هَـ الأَيَّامْ الْـ بِعْدِتْ عَنَّكْ
عَنَّكْ مُشْ مُمْكِنْ تِبْعِدْنَا
ـ2ـ
كْرَامِةْ شَعْبَكْ عِشْت اللَّيْلْ
تْحَيِّكْ أَحْلام وْتِهْدِينَا
تْبَعِّدْ عَنْ غُرْبِتْنَا الْوَيْلْ
تِزْرَعْنَا فَرْحَه عَ شْطُوطَكْ
وِتْبَشِّرْ بِالرَّجْعَه الْمِينَا..
ـ3ـ
طونِي.. يا لُغَّه مُضْوِيِّه
يا صَوْت.. عْشِقْنَا نَبْرَاتُو
رَحْ تِبْقَى الضَّوّْ بْعِينَيِّي
الْحُلْم، الْيَقْظَه، الْحَرْف، الْكِلْمِه،
الْحَقْل.. الْـ عَمْ إِحْصُدْ خَيْرَاتُو..
**
