ـ1ـ
تيريز حرب و"صوت أرزتها"
نعمه عظيمه لجاليتنا هون
ع طول كلمة حق كلمتها
متل الزهور الغارقه باللون
ـ2ـ
تيريز حرب الـ كلّها فهم وذكا
نور الحضاره من شُموس "بعلبكا"
خلّت أدبنا بالمهاجر يرتوي
تا يشهد التاريخ لو مرّه حكى
ـ3ـ
شفت الحزن عم يرسم دروب الشّقا
أختا وخيّا تأخّروا ع الملتقى
كانوا حَياتا.. بس راحوا، علّقوا
شمعة حياتا فوق حبل المشنقَه
ـ4ـ
صارت وحيده.. والكنيسه دروبْها
تركتْ خليقه غارقه بذنوبها
وركعت تْصلي والصليب قْبالها
ودموعها تغسّل جرح مَصْلوبْها
**
